இந்தியாவில் சாட்ஜிபிடியைப் பயன்படுத்துவோரின் எண்ணிக்கை வளர்ந்து கொண்டே வருகிறது.
இதே சமயத்தில், கூகிளின் ஜெமினி மற்றும் OpenAI-இன் ChatGPT ஆகிய இரண்டும் சந்தையில் போட்டியிடும் விதமாக, பயனர்களைக் கவரும் வகையில் பல்வேறு சந்தாத் திட்டங்களையும் சிறப்புச் சலுகைகளையும் அறிவித்து வருகின்றன.
கடந்த ஆகஸ்ட் மாதத்தில் மாதம் ₹399 விலையில் அறிமுகப்படுத்தப்பட்ட ChatGPT Go திட்டம், தற்போது ஓராண்டுக்கு முழுக்க முழுக்க இலவசம் என OpenAI அதிகாரப்பூர்வமாக அறிவித்துள்ளது.
இந்தத் திட்டத்தில், சாதாரண இலவசப் பதிப்பை விட 10 மடங்கு கூடுதலான சலுகைகளும் சிறப்பம்சங்களும் அடங்கியுள்ளன. GPT-5 மாடலுக்கான அணுகல், இமேஜ் உருவாக்கல், ஃபைல் அப்லோடு, மேம்படுத்தப்பட்ட டேட்டா அனாலிசிஸ் மற்றும் மெமரி போன்ற புதிய அம்சங்கள் இதில் உள்ளன.
சலுகையைப் பெறுவது எப்படி?
புதிதாகப் பதிவு செய்வோரும் (New Users), ஏற்கனவே இலவசப் பதிப்பை வைத்திருப்போரும் இந்தச் சலுகையைப் பெறத் தகுதியுடையவர்கள். ஏற்கனவே ChatGPT Go சந்தா செலுத்துவோருக்கு, இந்த இலவசச் சலுகை அவர்களின் கணக்கில் தானாகவே நீட்டிக்கப்படும்.
இந்தச் சிறப்புச் சலுகை நவம்பர் 4-ஆம் தேதி தொடங்குகிறது. இருப்பினும், இது குறிப்பிட்ட கால வரம்புடைய சலுகை என்பதால், இதன் கடைசித் தேதியை OpenAI இதுவரை அறிவிக்கவில்லை.
