எஸ்.எஸ். ராஜமௌலி இயக்கத்தில் தெலுங்கு சூப்பர் ஸ்டார் மகேஷ் பாபு நடிக்கும் பிரமாண்டமான ஆக்ஷன் அட்வென்ச்சர் திரைப்படமான ‘Globetrotter’ குறித்த புதிய தகவல்கள் வெளியாகியுள்ளன.
இந்த படத்தில், பாலிவுட் நட்சத்திரமான பிரியங்கா சோப்ரா நாயகியாக, மந்தாகினி என்ற துணிச்சல் மிக்க கதாபாத்திரத்தில் நடிக்கிறார். சமீபத்தில் வெளியான அவரது முதல் லுக் போஸ்டர் ரசிகர்களிடையே பெரும் எதிர்பார்ப்பை ஏற்படுத்தியுள்ளது.
மேலும், மலையாள திரையுலகின் முன்னணி நடிகரான பிரித்விராஜ் சுகுமாரன் வில்லன் கதாபாத்திரமான கும்பாவாக நடிக்கிறார். அவரது மிரட்டலான முதல் லுக் போஸ்டரையும் படக்குழுவினர் வெளியிட்டுள்ளனர்.
ஆஸ்கர் விருது வென்ற இசையமைப்பாளர் எம்.எம். கீரவாணி இசையில், படத்தின் முதல் சிங்கிளான ‘Globetrotter’ என்ற பாடலை பாடகி ஸ்ருதி ஹாசன் பாடியுள்ளார். இப்பாடல் ஏற்கனவே வைரலாகி வருவது குறிப்பிடத்தக்கது.
இறுதியாக, இப்படத்தின் தலைப்பு, டீசர் வெளியீடு மற்றும் பிற முக்கிய அறிவிப்புகளை வெளியிடும் பிரமாண்டமான நிகழ்ச்சி வருகிற நவம்பர் 15-ந்தேதி ஹைதராபாத்தில் உள்ள ராமோஜி ஃபிலிம் சிட்டியில் கோலாகலமாக நடைபெற உள்ளது.
