கடந்த மாதம் 21 ஆம் தேதி (திங்கள் கிழமை), முதல்வர் ஸ்டாலின் தலைச்சுற்றலால் மருத்துவமனையில் அனுமதிக்கப்பட்டார். அவருக்கு இதய பரிசோதனைக்காக ஆஞ்ஜியோகிராம் (Angiogram) செய்யப்பட்டது. திங்கட்கிழமையும் Heart Attack ஒன்றுடன் தொடர்புடையது என சில ஆய்வுகள் கூறுகின்றன. குறிப்பாக, திங்கட்கிழமைகளில் மாரடைப்பு ஏற்படும் வாய்ப்பு அதிகம் என குறிப்பிடப்படுகிறது. இதற்கான காரணம் என்ன? ஏன் இப்படி நடைபெறுகிறது என்ற கேள்வி நமக்கு தோன்றலாம்.
இணையத்தில் தற்போது அடிக்கடி ஜிம்மில் ஒர்க்அவுட் செய்யும் போது திடீரென Heart Attack வருவதும், விளையாடிக் கொண்டிருக்கும்போது மாரடைப்பால் மயங்கி விழும் வீடியோக்களும் அதிகமாக பரவி வருகின்றன. Heart Attack என்பது நமது இதயத்திற்கு வரும் ரத்த ஓட்டம் திடீரென குறைவதால் ஏற்படும் ஒரு மோசமான நிலை. பெரும்பாலும் இது எப்போது வேண்டுமானாலும், எந்த நேரத்திலும் ஏற்படக்கூடும் – இரவில் தூங்கும்போதோ அல்லது தனியாக இருக்கும்போதோ கூட நிகழலாம். ஆனால், நாம் ஆச்சரியப்படும்படியாக, ஆய்வுகள் கூறுவது என்னவென்றால், நேரம் மற்றும் வாரத்தின் நாள் கூட Heart Attack ஏற்பட காரணமாக இருக்கலாம்.
அயர்லாந்தில் உள்ள Belfast Health and Social Care Trust மற்றும் Royal College of Surgeons ஆகியவற்றின் மருத்துவர்களால் நடத்தப்பட்ட இந்த ஆய்வில், மருத்துவமனைகளில் அனுமதிக்கப்பட்ட 10,528 நோயாளிகளின் பதிவுகள் ஆய்வு செய்யப்பட்டன. அதில் இதுகுறித்து தகவல் வெளியாகியுள்ளது.
காலை நேரத்தில் ஏற்படும் Heart Attack:
“இரவு தூங்கியவர் காலையில் எழுந்திருக்கவில்லை” என இறந்தவர்கள் குறித்து நம் நெருங்கிய உறவுகள் கூறுவதை கேட்டிருக்கிறோம். அதிகமான Heart Attack காலை நேரத்தில்தான் ஏற்படுகின்றன என ஆய்வுகள் கூறுகின்றன. குறிப்பாக, எழுந்தவுடன் முதல் 2–3 மணி நேரங்களில் இது மூன்று மடங்கு அதிகமாக இருக்கும். அந்த நேரத்தில் இரத்த அழுத்தம், இதய துடிப்பு, மனஅழுத்த ஹார்மோன்கள் ஆகியவை திடீரென அதிகரிக்கின்றன. இதனால் இதயத்திற்கும் அர்டெரிகளுக்கும் அதிக அழுத்தம் ஏற்படுகிறது.
பருவநிலையும் Heart Attack வருவதற்கு முக்கிய காரணமாக இருக்கிறது. குளிர்காலத்தில் Heart Attack ஏற்படும் அபாயம் அதிகம்; கோடையில் குறைவாகவே ஏற்படுகின்றன. காரணம், குளிரில் நமது blood vessels சுருங்குகின்றன; இதனால் இதயத்தில் ரத்த ஓட்டம் குறைகிறது. அதோடு, குளிர்காலத்தில் உடற்பயிற்சி குறைவாகவும், மன அழுத்தம் அதிகமாகவும் இருக்கும். இதனால்தான் கிறிஸ்துமஸ், புத்தாண்டு விடுமுறைகளில் Heart Attack அதிக அளவில் நடைபெறுவதாக ஆய்வுகள் காட்டுகின்றன.
திங்கட்கிழமைகளில் அதிக ஆபத்து:
பல ஆய்வுகள் திங்கட்கிழமைகளில் Heart Attack ஏற்படும் வாய்ப்பு அதிகம் உள்ளதாக கூறுகின்றன. பலருக்கு திங்கட்கிழமை வேலைக்கு செல்ல வேண்டும் என்றாலே சலிப்பாக இருக்கும். அன்று மன அழுத்தம், வார இறுதி நாளை நிம்மதியாகக் கழித்துவிட்டு மீண்டும் வேலை தொடங்கும் சோர்வு—all combine together. இதைத் தவிர, உடலில் நீர் குறைவாக இருக்கும்போது, இரத்த ஓட்டம் மந்தமாகும். இதனால் இதயத்தில் அதிக அழுத்தம் ஏற்படுகிறது. அதிக உப்பு உள்ள உணவுகளை எடுத்துக் கொள்வதும், குறைவான தண்ணீர் குடிப்பதும் Heart Attack-க்கு காரணமாகின்றன.
மிகுந்த மன அழுத்தம், தூக்கக் குறைபாடு மற்றும் தூக்கக்கோளாறுகள் போன்றவை இதயத்திற்கு தீங்கு விளைவிக்கின்றன. போதுமான தூக்கம் இல்லாதவர்கள் உயர் இரத்த அழுத்தம், பருமன், நீரிழிவு நோய் போன்றவற்றால் பாதிக்கப்படக்கூடிய வாய்ப்பு அதிகம்.
இதன் மூலம், Heart Attack பருவங்களிலும் வாரத்தின் குறிப்பிட்ட நாட்களிலும் அதிக வாய்ப்பு உள்ளதென அறிவியல் ரீதியாக நிரூபிக்கப்பட்டுள்ளது. குறிப்பாக காலை நேரம், குளிர்காலம் மற்றும் திங்கட்கிழமைகள் ஆகியவை அதிக ஆபத்துள்ள நேரங்கள். இதனால், இதய நோய்களுக்கு ஆட்பட்டவர்கள் மேலும் கவனமாக இருக்க வேண்டும். தியானம், சரியான தூக்கம், அதிக தண்ணீர் குடித்தல், மன அமைதி ஆகியவை இதய ஆரோக்கியத்தை பாதுகாக்க உதவுகின்றன.
